Wednesday 20 July 2016

#காதல்_பாடம்

#காதல்_பாடம் 

மணிக்கணக்கில் பேசத்தேவையில்லை  
மணி பாராது மனம் விட்டு பேசு போதும்
உன் பேச்சில் உயிர் பெறும்  உணர்வுகள்  
என் உணர்வுகள் அறிந்த மொழி உன் பேச்சு 

கொஞ்சுவது காதலில் இன்ப சாதல் 
கெஞ்சுவது காதலில் பேரின்ப மோதல் 
சில நேர பிரிவு சொல்லும் காதல் பாடம் 
துடிப்பும் பின் இணைப்பும் காதலின் விளக்கம் 

இன்பம் மட்டுமே காதலின் இலக்கணம் அல்ல 
துன்பத்திலும் காதல் வாழும் தொடரும் என்பதே 
காதலில் போட்டி யார் காதல் பெரிதென்பதல்ல 
விட்டுக்கொடுக்காது விட்டு விலகாது இருப்பதே.

#BySprasanth 

Tuesday 12 July 2016

#காதல்_விதி

 #காதல்_விதி வானின் நிலா வந்து உன்னை பார்க்கும் உன்னை பார்த்த பின் அதன் கர்வம் அடங்கும் உன் எழில் கண்டு நிலா கூறிய கவிதை நீ நடமாடும் தேயாத பூமி நிலா என்று உன் அழகிய கனவுகள் கலையாது கண் விழித்து காவல் காக்க ஆசை இன்னும் கொஞ்ச ஆசை அது உன் கனவெல்லாம் நானாக ஆசை உனக்காக மட்டும் பூக்கள் மலர ஆசை கூவும் குயில் கூட உனக்காக இசைக்க ஆசை இளமையும் இருளும் விலகாது இணைக்க இதயங்கள் இடம் மாறி துடிக்கும் இன்ப விழா அலை கடல் , முகில் மேகம் பிரிந்தாலும் ஓயாது சுழலும் பூமி ஓய மறந்தாலும் இணைந்த காதல் பிரியாது மறவாது வாழும் இயற்கை விதியை வெல்லும் காதல் விதி #BySprasanth



‪கலைக்கோயில்‬

‪கலைக்கோயில்‬
குயிலும் , மயிலும் கூட 
ஆடலும் பாடலும் கற்ற விரும்பும் 
ரசிக்கும் கலைகளின் ராணி நீ 
கலைகள் அரங்கேறும் கலைக்கோயில்

உன் எழில் வர்ணிக்க இயலாது 
கற்பனைக்கும் மூச்சு வாங்கும் 
கவிதையில் உனை எழுத 
எழுத்துக்களும் ஏங்கி நிற்கும்

உன் பார்வை வீச்சில் உயிர் பூக்கும் 
உன் பார்வை விலகின் உயிர் தவிக்கும்
உனை இன்றி நான் வேண்ட வரம் இல்லை 
உனை நீங்கி நான் வாழ வாழ்க்கை இல்லை

Friday 8 July 2016

காதலின் வெற்றி

#காதலின்_வெற்றி

தெரிந்து சில சமயம் தெரியாத பல சமயம் 
உனதழகை ரசிப்பதில் கலாப காதல் ரசிகன் 
உன் மனதை கொள்ளை கொண்டதில் பெருமை 
காதல் சட்டத்தில் ஆயுள் தண்டனை காதல்

வாடாத உன் புன்னகை வாட்டி வதைக்கிறது 
வேண்டி விரும்பும் காதல் காயங்கள் சுகமே 
காந்த பார்வையில் ஒட்டி கொண்ட இதயங்கள் 
பிரிக்க முடியாத ஈர்ப்பு இணையில்லா இணைப்பு

காதலின் வெற்றி துன்பத்திலும் இன்பம் 
காதல் கைகளில் துன்பங்கள் சுக தூக்கம் 
கண்ணீரை வர விடா ,வந்தாலும் ஏந்தி பிடிக்கும் 
காதல் இருக்கும் வரை கடவுளும் தேவை இல்லை


BySprasanth

Wednesday 6 July 2016

காதலால்_சுவாசிப்போம்


#காதலால்_சுவாசிப்போம் 

உன் அணைப்பிற்குள் 
உயிர் வரை வியர்க்கிறது 
இருந்தாலும் இனிக்கிறது 
இதயம் வரை நனைகிறது 

என்னோடு நீ இருந்தால் 
இறந்தாலும் வரம் 
என்னை நீங்கி நீ சென்றால்  
வாழ்ந்தாலும் சாபம் 

மனம் விட்டு சிரிக்கின்றோம் 
மனதார வாழுகின்றோம் 
ஓயலாம் காற்று ஓயாது காதல் 
காதலால் சுவாசிப்போம் 

என்னை சற்றே நீ  பிரிந்தாலும் 
பொய்  உடல்  இருக்கும் 
மெய்  உயிர் இருக்காது 
உயிர் மெய் காதல் உணர்வு நீ 

BySPrasanth

Monday 4 July 2016

காதல்_அரங்கேற்றம்

#காதல்_அரங்கேற்றம்

என் விழிகளின் காத்திருப்பு 
உன் விழிகளின் தரிசனத்திற்க்காக 
விழிகளின் சங்கமம் இதய மேடையில்
முடிவில்லா காதல் அரங்கேற்றம் 

விழிகள் உறங்க விரும்பும்   உன் மடி
விலையில்லா விலக விரும்பா தலையணை
காதல் கனவுகள் தொலைந்து 
நிஜங்கள் நிறைவும் தரும் 

உயிரோடு கலந்தாய் உறவாக நிலைத்தாய் 
இணையாக வந்தாய் பிரியாது வென்றாய் 
மனதார இணைந்தாய் மருந்தாக உள்ளாய் 
காதலாய் வந்தாய் வாழ்க்கை தந்தாய் 

#BySPrasanth

Saturday 2 July 2016

#உயிர்_காதல் 

இரத்தம் பகிராது இதயம் பகிர்ந்து
வாழும் வரை பிரிய விரும்பா 
இறக்கும் முன் பிரிய விரும்பும் 
இதயம் தொட்ட உயிர் காதல் 

கடலை பிரியாத அலைகள் போல் 
வானை பிரியாத முகில்கள் போல் 
எண்ணங்கள் ஒன்றான பின் 
காதலில் பிரியாது விருப்பங்கள் 

காதல் துணை துன்பம் இல்லை
காதல் நீதியில் இன்ப சட்டம் 
காதல் ஆலயம் காதல் வரம் 
காதலுடன் சொர்க்கம் பூமியில்

#BySprasanth 

Thursday 30 June 2016

#காதல்_களம் 

மறையாத வானவில் 
வண்ணம் மாறாத மங்கை 
தித்திக்கும் அவள் பார்வை 
திகட்டவில்லை ஐம்புலன்களையும் 

மழை கூட மௌனித்து பொழிகிறது 
மாது அவள் மழையை ரசிக்கும் வேளை 
இயற்கையை  மயக்கும் காதல்  ராணி 
இளமையை மாற்ற , மாது இவள் மது 

மழை துளிகளின் போராட்டம் 
மண்ணில் முடிய முன்
உன் மனம் தொட்டு விட 
மழைக்கால காதல் களம் 

#BySPrasanth

Wednesday 29 June 2016

மொழிகள் மதி மயங்கி
மவுனித்து ரசித்தன 
விழி பேசும் புது மொழியை

விழி சொன்ன காதல் பாடம் 
இதயம் விரும்பி கற்ற பாடம் 
இதயம் துடிக்கும் வரை மறவாது

விழியால் மிரட்டும் அழகை ரசிக்க 
வேணுமென்றே குட்டி குறும்புகள் 
செல்ல சண்டை சுகமான முடிவு

கண்கள் திறக்க காதல் பிறக்கும்
விழிகள் மயங்க காமம் தவிக்கும் 
கண் லீலைகள் காதல் வேதங்கள்

Saturday 25 June 2016

சந்தோஷ_வரம்

#சந்தோஷ_வரம்


என் இதயத்துடிப்பின் ஓசை என்னவள் ரசிக்கும் இசை நான் பேசா மவுனத்தையும் மொழி பெயர்க்கும் காதல் கணினி முப்பொழுதும் அவள் நினைவுக்குள் முற்றுப் பெறாதது என் நினைவுகள் வேண்டாமலே விரும்பி சந்தோச வரம் அளிக்கும் காதல் பக்தனின் கடவுள் நீ



#BySprasanth

Wednesday 22 June 2016

காதல் போராளி

காதல் போராளி 

தாங்க முடியாத வலியை யார் தந்தாலும் 
நெருப்பை அணைக்கும் நீராய் நீ இருந்தால் 
கவலைகள் கரையும் சுமைகளும் சுகமாகும் 


தவறுகளை மன்னிப்பதில் தாயுமானவள் 
துன்பமே நடுங்கும் இவள் பாச உச்சம் கண்டு 
என்னை   நம்பும் எனை காக்கும் காதல் போராளி 


BySprasanth

Thursday 16 June 2016

தெய்வீக தரிசனம்

தெய்வீக தரிசனம்

உன்னை உற்று பார்க்கும் நேரம் உறைந்து போகும் என் கண்கள் நிஜத்தை கண்ட கண்கள் கனவை துறந்தது கற்பனை கசந்தது வாடாத மலர் இனம் திகட்டாத தேன் வரம் வண்டுகள் ருசிக்காத பூ இவள் பருகாமல் பார்த்தாலே சுவை தரும் உன் சுவாசம் கலந்த காற்றுக்கும் இதயம் துடிக்கும் புயலும் உன்னை கடக்க பூக்களாய் மாறும் வற்றாத பசுமை வசந்தத்தின் உச்சம் மாறாது காலநிலை மாது உன் புன்னகையால் ஆனந்த ஊற்று அழகின் எல்லை கடவுளும் விரும்பும் கருணை பார்வையின் தரிசனம் பக்தனின் விமோட்சனம் ஆத்திகனும் நம்பும் தெய்வீக தரிசனம்..

Prasanth


Tuesday 14 June 2016

சாதல்_இறந்தது

#சாதல்_இறந்தது சுடும் வெயிலிலும்வீசும் குளிர் காற்று துன்பமெல்லாம் இன்பமாய் மாற்றும் மருந்து கடும் குளிரிலும் சூடேற்றி சுகம் தரும் மேனி நாணத்தால் நீ நனைய வேர்வையால் நான் குளிக்க கண்களால் கட்டி அணைத்தாய் காதல் பிறந்தது கைகளால் கட்டி அணைத்தாய் சாதல் இறந்தது எழுத்தில் எழுதி தாளில் பதிந்த கவிதையல்ல நீ உள்ளத்தில் எழுதி உயிரில் கலந்த கவிதை #பிரசாந்



Sunday 12 June 2016

பிரியா​​_பிரியம்

பிரியா​​_பிரியம் 

இடைவெளி இல்லாத நெருக்கம் 
இதயங்கள் முத்தமிடும் தூரம் 

விழிகளுக்குள் இடைவெளி இல்லை 
பார்வையெல்லாம் நாமாக மட்டும் 

சுவாசத்தை சிறைபிடித்து சுவாசிக்கிறோம்
 காதலின் தண்டனையாக ஆயுள் வரை 

Sunday 10 April 2016

வசந்தகால வரம்

வசந்தகால வரம் 

உன் நாணம் கண்டு 
வெண்ணிலவும் வெட்கப்படும் 
வெண்ணிறம் மாறி சென்னிறமாகும் 

நடமாடும் பூஞ்சோலை 
தேன்  கூட கசக்கும் உன் மேனி தொட்ட வண்டுக்கு 
நீ வருடம் முழுதும் வசந்தகால வரம் 

Prasanth Satkunanathan ( HeartBeat )

Monday 4 April 2016

இயற்கையின் காதல்

இயற்கையின் காதல் 


நிலவு எழுத விரும்பும் கவிதை 
காற்று சுவாசிக்க விரும்பும் சுவாசம் 
வானவில் தோன்ற விரும்பும் தேகம் 
பூக்கள் மலர விரும்பும்  கூந்தல்  
அலைகள் தழுவ விரும்பும் இடை 
கடல் நீர்  விரும்பும் தாகம்
இயல்பை மாற்றும் இவள் இதயம் 

By Prasanth Satkunanathan ( HeartBeat )




Sunday 3 April 2016

அழகென்பதே நீ

 அழகென்பதே  நீ 

தேவதைகள் அழகு குறிப்பெடுக்கும் 
பூலோக அழகிய அதியசம் நீ 

அரக்கற்கும் கருணை பொங்கும்  
உன் கடை கண் பட்டால் 

உன் தரிசனம் காண 
கடவுளுக்கும் கூட தவமிருக்க தூண்டும் 

By Prasanth Satkunanathan HeartBeat

Wednesday 30 March 2016

அவள் ஒரு மாயம்

அவள் ஒரு மாயம்

என்னவள்  விழி திறந்து 
என் விழி பார்க்கும் நொடிகளில்  
குளிர் தென்றல் முத்தமிடும் சுகம் 

மயக்கும் சிரிப்பை வரம் பெற்ற மாயக்காரி 
அவள் புன்னகைக்காய் பூக்களும் காத்திருக்கும் 
பார்த்த பின்  பூக்களுக்கும் போதை ஏறும் 


தீண்டாமலே எனை தீண்டும் விந்தை   
அனுபவம் தர பிறந்தாள்  அவள் 
அனுபவிக்க பிறந்தேன்  நான் 

Wednesday 23 March 2016

காதல் அனுபவம்

காதல் அனுபவம் 

உனை  நேர் கொண்டு பார்ப்பதை விட 
கடை கண் கொண்டு பார்ப்பதில்தான் 
காதல் சற்று அதிகம் 

நீ பார்க்கா நேரம் உனை  நோக்கும் நொடிகள் 
வார்த்தைகளில் கூற முடியா 
அனுபவம் தரும் ஆத்ம சுகம்  

காதல் அனுபவம். 
எழுத்திலும் பேச்சிலும் அல்ல  
உணர்தல் ,புரிதல், பகிர்தலில் உண்டு 


By HeartBeat( Prasanth.S)

Sunday 20 March 2016

காதல் மாயம்

முதல் முறை 
இதழ்கள் புன்னகைத்தாலும் 
இதயங்களின் சிரிப்பொலி உணரும் 
இன்ப நொடி காதல் 

விழிகள்  பார்க்க  
இதயங்கள் தொலையும்.
சுவாசம் மறந்து நேசம் யாசிக்கும் 
புதுவித மாயம் காதல் 

By - Prasanth. S ( HeartBeat)

Thursday 14 January 2016

இனிய தை திருநாள் நல்வாழ்த்துக்கள்

இதழ் சுவைக்கும் இனிமை
பேசும் மொழியிலும் கலந்து
இதயத்திற்கும் இனிமை கூட்டி
அனைவரும் இன்புற்று வாழ
உறவினர், நண்பர்கள் , நேயர்கள் அனைவருக்கும்
இனிய தை திருநாள் நல்வாழ்த்துக்கள்

#Prasanth

Saturday 9 January 2016

காதல்

#காதல் 
இமைகள் திறந்து 
விழிகள் பேசி  
இதயங்கள் இடம் மாறி 
துடித்த முதல் அனுபவம்! 
இணைந்த இதயங்கள் 
துடிக்க மறந்து சிரித்த 
புதுவித உணர்வு 
ஆனந்த அனுபவம் #காதல்