#அழகான_குடும்பம்

#அழகான_குடும்பம்

நான் நீ என்று இல்லாது நாம் என்று கூறும்

தனிமை இல்லா தன்னலமற்ற இல்லறம்

இன்பங்கள் பெருகும் துன்பங்கள் பகிரும்

மனித வாழ்வின் நிகரில்லா சந்தோசம் குடும்பம்

கணவன் ,அன்பும் உழைப்பும் ஓய்வதில்லை

மனைவி, மணி பாராது  மனம் விரும்பி சேவை

ஊடல் கூடல் உண்டு , காதல் ஓய்வதில்லை

இருமனம் இணைந்த இல்லறம், இன்பக்  குடும்பம்

அம்மா ,அன்பின் பிறப்பிடம் அன்பே நல்லறம்

அப்பா, பண்பின் உறைவிடம் ஒழுக்கமே உயர்வு

பெற்றவர் சொன்ன பாடம் வெற்றியின் அடித்தளம்

அம்மா அப்பா ,அன்பால் ஆட்சி செய்யும் ஆலயம்,  குடும்பம்

அண்ணா , அக்கா தோழமை உள்ள முதல் ஆசான்

தம்பி , தங்கை செல்ல பிள்ளைகள் விளையாட்டுத்  துணை

செல்ல சண்டைகள் செல்ல கோபங்கள் அன்பில் கரைந்து விடும்

சகோதர சந்தோசம், அன்பான பாதுகாப்பு, அது குடும்பம்

பேரப்பிள்ளை , பாட்டன் பாட்டி உறவுப்  பிணைப்பு

அன்பில் செல்லமும் அழகும் குறைவில்லா நிறைவு

அன்பும் அறிவும்,  பண்பும் பாதுகாப்பும் நிறைவாக கிடைக்கும்

குடும்பம் இன்பமானால் யாவரும் நலமே

By Prasanth Satkunanathan( Heart Beat)

சந்தோசம்

சந்தோசம்

உணர்வுகள் பூக்கும்

அது உள்ளங்களில் தேன் பாய்ச்சும்

எண்ணங்கள் எங்கும் இனிமையாக

நெஞ்சமெல்லாம் சந்தோசம் நிறைந்திருக்கும்

காணும் காட்சியில் கிடைக்கும் சந்தோசம்

விழியில் ஆனந்த ஊற்றாக ,ஆனந்த கண்ணீர்

கேட்கும் ஒலியில், உணரும் சந்தோசம்

இதயத்துடிப்பில் மெட்டெடுத்து இன்னிசை படிக்கும்

பேசும் பேச்சில் பெருகும் சந்தோசம்

மொழியின் இனிமையை, உதிரத்தில் கலக்கும்

மௌனத்தின் உள்ளே, உள்ள சந்தோசம்

மனங்களின் புரிதலை இன்னும் கூட்டும்

கடவுள் தரிசனம் , ஆத்ம  சந்தோசம்

சரியான பாதையில் செல்ல ,தைரியம் ஊட்டும்

உண்ணும் உணவு தரும் ,சந்தோசம்

சுவையும் கூட்டி ,உடல் ஆரோக்கியத்தையும் கூட்டும்

சக மனிதர்கள் தரும் சந்தோசம்

ஒற்றுமையும் ,உலக சமாதானமும் தரும்

உறவுகள் தரும் ,சந்தோசம்

கொடுக்கின்ற சுகத்தை உணர்த்தும்

பூமி எங்கும் சந்தோசம்

புன்னகை கோடி தரும்

சந்தோசம் என்பது தெரிவு

சந்தோசம் தெரிவானால் ,தடை போட

ஏதும் இல்லை, யாருமில்லை!

By Prasanth Satkunanathan ( Heart Beat )