#கடிதம்.

#கடிதம்.

இதயங்களை இடங்களை இணைத்து 

மொழி அறிவின் ஆயுளை அதிகரித்து

உணர்வும் மொழியும் ஒன்றாக இணைந்த

இணையற்ற உலக தொடர்பாடல் கடிதம்

மன உணர்வுகளின் நிஜ மொழி மாற்றம்

மை கொண்டு எழுதப்படும் மெய் கடிதம்

கையால் எழுதும் கடிதம் அன்பும் அக்கறையும்

உறவை மொழியை அழியாது காக்கும்

சைக்கிள் மணி ஓசை கேட்கும் போதெல்லாம்

மானாக நாம் மாறி துள்ளவது பேரானந்தம்

காகத்தின் கரைதல் கூட காதில் குயில் ஓசை

தபால் காரன் கடவுள் ஆவான் கடிதம் வரமாகும்

கடிதம் எழுதும் நேரம் தேவைகள் மெய்யாகும்

கடிதத்திற்கு காத்திருக்கும் நேரம் சுக வலியாகும்

கடிதம் வாசிக்கும் நேரம் மொழிகள் உயிர் பெறும்

உருவம் இல்லாது  உறவான தொடர்பாடல் கடிதம்

காதலை இணைத்து காதலருக்கு வரமானது

உறவுகளை சேர்த்து உயிரோடு உறவானது

அகிலத்தை இணைத்து தேவைகள் பூர்த்தியானது

கடிதம் காலம் மாறினாலும் மறக்க முடியாத சேவை

By - Prasanth Satkunanathan

என் சுவாச காற்றே

என் சுவாச காற்றே

நீ இல்லா இடம் பூமியில் இல்லை

நீ இன்றி உயிர்கள் பூமியில் இல்லை

ஐம்பூதங்களில் ஒன்றாய் உயர்வானாய்

பூமியே சுவாசிக்க வரம் தந்த சாமியானாய்

உன்னில் ஒட்சியனை  பிரித்து தந்து

சுவாசிக்க வைத்து பிரியம் வென்றாய்

உலக ஜீவன்களின் உயிர் கொடை வள்ளல்

உலகமே நம்பும் உணர முடிந்த  தெய்வம்

அழகிய பட்டங்கள் காற்றில் பறக்கும் வேளை

அழகிய கனவுகள் கண் முன்னே நிஜமாகின

ஆயிரம் முத்தங்கள் காற்றிற்கு அன்பு பரிசு

காற்றின் அழகிய பயணங்கள் முடிவதில்லை

இயற்கையின் இடைவிடா இலவச காற்றாடி

சூடேற்றி விளையாடும் பகல் நேர காற்று குறும்பு

தாலாட்டி தழுவும் இரவு நேர காற்று இனிமை

இரவும் பகலும் ஊடலும் கூடலுமாய் காதலான  காற்று

இயற்ககையை வேண்டி நின்றால்  அன்பைக்  கொடுக்கும்

இயற்கையை சீண்டிப்  பார்த்தல் அழிவைக்  கொடுக்கும்

மாசு படுத்தின்  பூமி பூகம்பமாய் பதில் தந்து அழிக்கும் 

காற்றை கழிவறையாக்கின் பூமியே கல்லறையாகும்

By Prasanth Satkunanathan ( Heartbeat)

சமாதானம்

சமாதானம்  

சண்டை இல்லாத  சந்தோச வாழ்விற்காய்

துரோகம் அற்ற  நேர்மையான நேசத்திற்காய்

மிதித்து வாழாத மதிக்கும் மனத்திற்காய்

பிரிவு இல்லாத இணைந்த சமாதானம் தேவை

மனதில் அழுக்கை நீக்க அன்பு பெருகும்

பிறப்பால் நாம் மனிதர்கள் தேவைகள் வேறு

வேறுபாடுகளை அறிதலும் புரிதலும் தேவை

வேறுபாடுகளை மதிக்கின்ற மனமே சமாதானம்

சமாதான அறிவு வீட்டில் ஆரம்பிக்க வேண்டும்

வாழும் சூழலே மனித பண்பை தீர்மானிக்கும்

வீட்டில் சண்டையை தவிர்ப்பது சமாதான முதல் வழி

வீட்டில் சமாதானம் இருப்பின் வெளியிலும் தொடரும்

உறவுக்குள் சமாதானம் உணர்வுகளின் புரிதல் 

உணர்வுகளின் புரிதல் உள்ளங்களை இணைக்கும்

உள்ளங்கள் இணைந்த பின் உறவுக்குள் சந்தோசம்

உறவுக்குள் சமாதானம் உலக சமாதான ஆரம்பம்

வீட்டை தாண்டி  வர துணை வந்த உறவு நட்பு

உதிரம்  பகிராத  பாசம் பகிர்ந்த புதிய உணர்வு

வீட்டை தாண்டியும் தொடரும் அன்பும் காவலும்

நட்புக்குள் சாமாதானமே உலக சமாதான வழி 

மனங்களில் சமாதானம் விதைக்க பட்டால்

வீட்டில் சமாதானம் உறவினை இணைக்கும்

நட்புக்கள் சமாதானம் நாட்டிற்குள் விடுதலை

நாட்டின் சமாதானம் உலக சமாதான சந்தோசம்

By Prasanth Satkunanathan

#சமையல்

#சமையல்

உணவின்றி உயிர் வாழாது உயிர்கள்

சமைத்துண்டு வாழா உயிர்கள் ஓராயிரம்

ஆறறிவு மனிதனே சமைத்து உண்பவன்

சமையலில் ருசி கூட்டி சுவை அறிந்தான்

சமையல் கற்பனைகளின் கைவண்ணக்  கலை 

மனித நாக்கே சுவை அறிந்த மகா  ரசிகன்

உண்பது ஆனந்தம் உணவு செய்வது பேரானந்தம்

சமையல் இல்லத்திலும் உள்ளத்திலும் சந்தோசம்

வீட்டுச்சமையிலில் முடி சூடா ராணி பெண்கள்

ஆண்கள் கூட அவரசத்திற்கு இடைக்கால ராஜாக்கள்

சமையலில் கைப்பக்குவம் என்பது பசி நீக்கும் சாதனை

வீட்டில் அளந்து சமைப்பதல்ல அன்புபோடு சமைப்பது

சமைத்து வழங்கவும் உணவில் அன்பின் பரிமாற்றம்

சமையல் தரும் ஆத்ம சந்தோசம் உறவுகளின் நெருக்கம்

அன்பும் காதலும் சமையல் வழி தினம் தினம் கூடும்

இணைந்து சமைப்பதில் ஒற்றுமையும் இன்பமும் இரட்டிப்பு

சமையல் என்பது சாதாரணம் அல்ல சாதனை

சமையல் என்பது வியாபார மூலதனம் ஆனால்

அறிந்த கலை மூலம் பணம் சேர்க்கும் வழியாகும்

சமையல் கலை  சந்தோச சாதனை வரம்

சமையல் வழி  அகில சந்தோசம் உணவு

உறவுக்குள் உண்மை உண்ணும் உணவின் வழி

ஒற்றுமை கற்றுத்தந்த சமையல் விருந்துபசாரம்

வீட்டில் அன்பில் பெருக்கம் வெளியில் பணப்  பெருக்கம்

By Prasanth Satkunanathan

மௌனம் 

தவறைத்  தட்டிக்  கேட்காத மௌனம் 

அதர்மத்தை மொழியால் கொல்லாத அநீதி 

தர்க்கத்தை வளர விடாத மௌனம் 

மொழியை சிறைப்படுத்தி மோதலை தவிர்க்கும்

விழிகள் பேச மொழிகள் மௌனிக்க காதலானது 

மொழிகளின் இடைவேளை இரு இதய நெருக்கம் 

காதல் மௌனத்தில்  காமம் கற்பிக்கப்படும் 

மௌன மொழி மந்திரங்கள் மயக்க இன்பம்

பிறப்பால் ஊமை உணர்வுகள் மொழியானது  

செயல்கள் பேச மொழிகள் ஆச்சர்யம் கொண்டது 

ஒலி உருவாகாத போதும் உண்மை கருவானது 

மொழி இழந்து வாழ்வது சாபமல்ல சாதனை

மொழிகளின் உறக்கம் ஆழ் மனதின் விழிப்பு 

அமைதியான நேரம் மனசாட்சி பேசும் நேரம் 

குழப்பங்கள் தீரும்  நல் முடிவுகள் உதயமாகும்

கற்பனை சிறகு முளைத்து காவியங்கள் உருவாகும்   

பிறர் பேசும் போது கடை பிடிக்கும்  மௌனம்

மரியாதை மட்டுமல்லாது பேசுவதும் மனதில் பதியும்  

அவை நாகரிமும், அடுத்தவரோடு பேசும் போதும் 

மௌனம் என்பது மரியாதையின் அடையாளம்

மொழிகள் பேசாது உள்ளம் பேசும் போது 

காதலும் கவிதையும் உள்ளத்தில்  கருவாகும்

மௌனம் பதிலாக மகிழ்ச்சி பரிசானால் 

மௌனம் கூட உன்னை வளர்க்கும் வழி

By Prasanth Satkunanathan ( HeartBeat)

நீர்

நீர்

வறட்சியின் நீக்கம் , வனங்களின் , மனங்களின் ஈரம்.

உயிர் தோன்ற , உயிர் வாழ , உலகம் சூழ்ந்தது நீரால்

நீர் வரைந்த அழகிய கோலம் பூமியின் வரைபடம்

இயற்கையின் கொடை நீரின் இன்பங்கள் கோடி

விண்ணுக்கும்  மண்ணுக்குமான விடை பெறா காதல் மழை

விதைகள் விருட்சங்கள் ஆனது விருட்சங்கள் விருந்தானது

மழை நீரின் சுத்தம் இயற்கை அருந்தும் இலவச மருந்து

பூமியின் புன்னகை  புவி தாகம் தீர்க்கும் மழை நீர்

கரை தாண்டி தரை ஏறா கடல் நீர் கருணையின் எல்லை

மீன்களுக்கு இயற்கை வழங்கிய இலவச நீச்சல் குளம்

பிரதி பலன் பாராது உயிர் வாழ அள்ளி வழங்கும் வள்ளல் 

கடல் நீர் உப்பு கரிக்கலாம் , உயிர்களை கருவறுக்காது

நீரால் ஒரு கவிதை  மலையில் இருந்து விழும் அருவி

அலை ஓசையும் அருவி ஓசையும் இசை தாகம் தீர்க்கும்

பனித்துளியும் நீர்த்துளியும் நீரின் காதல் மொழி

இதழ் முத்தம் கூட இனிப்பானது நீரின் காம மயக்கம்

கருணையும் கவலையும் கண்ணீரால் மொழி பெயர்ப்பு

நாவின் நீர் சுவையின் கூட்டல் கிருமிகளின் கழித்தல்

பார்க்கும் இடமெல்லாம் பாரில் நீர், பயனோ பல கோடி

நீ இன்றி உயிருமில்லை உயிர்ப்புமில்லை உலகே இல்லை 

By Prasanth Satkunanathan

#சேலை

#சேலை

தமிழ் பண்பாட்டு அடையாளங்களில் ஒன்றாய் தமிழ் மான காப்பாய் தாய் நாட்டின் உயர்வாய் பல வண்ண சேலைகள் நடமாடும் வானவில்லாய் சேலைகள் பூமி எங்கும் புன்னகைக்கும் கோலங்களாய் சேலை அணியும் பெண்கள் யாவருமே மெய்யாகவே விழி வியக்கும் உலக அழகு சேலையின் மதிப்பு விலை அடைப்படையில் மாறலாம் விலை மதிப்பற்ற அழகு என்பது சேலையில் பெண்கள் பெண் தெய்வங்கள் சேலையில் தரும் உணர்வு தாய்மை பெண்கள் சேலையில் வந்தால் லக்ஷ்மி கடாட்ஷம் சேலையில் பெண் தெய்வங்கள் தெய்வீக பேரழகு சேலை கட்டிய பெண்களில் தெய்வம் தெரிவது பெண் பாதுகாப்பு அம்மாவின் சேலை சுக உறக்கம் தந்த ஆனந்த தொட்டில் அம்மாவின் சேலையில் சுவாசமும் வாசமும் அன்பின் எல்லை அம்மாவின் சேலையில் பயமற்ற பாதுகாப்பு வாழ்வு அம்மாவின் சேலை அரவணைப்பு ஆயுட்கால நிகரற்ற ஆனந்தம் பெண் அழகிற்கு பெருமை சேர்த்து பெண் மானத்திற்கு காவல் காத்து உலகெங்கும் தமிழ் அடையாளமாய் வலம் வரும் சேலையின் வரமும் வாழ்வும் பெண்கள் பெற்ற கொடை

By - Prasanth Satkunanathan