காதலுடன்!

காதலுடன்!

கண்கள்  இணைந்து  கருக்கட்டிய  காதலை

கண்ணும்  கருத்துமாக  வளர்ப்பது  காதலர் கடமை

காதலுக்கு  பிடித்த  விடயங்களின்  பட்டியல் நீளும்

காதலை  வெளிப்படுத்தும்  விதமே காதலின் ஆயுள்

கடற்கரை  ஓரம்  கை  கோர்த்து  நடக்கும் நேரம்

கடற்காற்று  கலந்த  தந்த  சுவாசம் காதலின் நேசம்

கடல் அலைகள் கால் நனைத்த ஈர சுகம்

மன அலைகள் குளிர்ந்த மாயம் காதல்

நிலவின் ஒளியில் காதல் கண் விழிக்கும்

மொழிகள் இன்றி விழிகள் கவி எழுதும்

இரவின்  மடியில்  விழிகள்  தூக்கமின்றி துடிக்க

நட்சத்திரங்கள்  கண் சிமிட்ட கற்றுக் கொள்ளும்

பூக்களின்  தற்பெருமை  காதலும் மலர்வதால்

காதலதும்  பூக்களதும்  புன்னகை வேறல்ல

காதல் குடி  இருக்க விரும்பும் வீடு பூங்காவனம்

காதலின் பெருமை  மலர்கள்  காதலின் அடையாளம்

இடைவெளி  குறைந்த  இடைவேளை அற்ற

முற்றுப்பெறாத  முழுவதும் மறந்த பயணம்

இசையும்  இணைய இதயம்  இனிக்க இன்பம்

சொர்க்கலோகம்  உலா வரும் காதல் பயணம்

காதலுடன் ஆலய தரிசனம் ஆனந்தம்

காதல் கைகளால் இடும் வீபூதி சந்தானம் இன்பம்

அருகருகாக ஆலய வலம் அன்பு விழா 

சாமி அள்ளி வழங்கும் வரம் அன்பு வளம்

எதிர்பாரா  இன்ப  பரிசில்  பரி மாற்றங்கள்

இரவின்  ஒளியில்  உணவு ஊட்டி மகிழ்தல்

தொலைபேசி  உரையாடி  தொலையும் நேரங்கள்

தனிமை  கூட காதல் கூடும்  காதல் கலையறி

காதல் இருத்தல்  என்பது நிலை

காதலாய் வாழ்தல்  என்பது கலை

காதலின் விருப்பம்  அறி அனுபவம் ஊட்டு

காதலுடன் ஆயுள் தீரும் வரை காதல் தீராது  

By Prasanth satkunanathan

வரம்

ஓராயிரம் உயிர்கள் புவியில்  உண்டாயினும்

அறிவும் ஆயுளும் அதிகம் பெற்று

புவித்தாய்  வயிற்றில் கருவுற்ற உயிர்

புன்னகைத்து  உரையாட வரம் பெற்ற மனிதன்

கண்கண்ட முதல் தெய்வமாய் அம்மா அப்பா

உதிரம்  பகிர்ந்த  உடன் பிறந்த  பாச -உறவுகள்

உதிரம் பகிராமலே உயிருக்கு மேலான உறவுகள்

தனிமை நீங்க தலைமுறை வாழ வரம் பெற்ற மனிதன்

ஆனந்த உணர்வாக புன்னகையும் சிரிப்பும்

அதி சந்தோச துக்க  உணர்வாக கண்ணீர்

புரியாத உணர்வை புரிய உணர்வு -மொழியானது

உள் உணர்வை பகிர உரையாட வரம் பெற்ற மனிதன்

நொடிக்கு நொடி மாறும் சூழலும் தேவைகளும்

தினம்  தினம்  பல நூறு  அனுபவங்கள் பரிசாக

கடவுள் உண்டு  இல்லை. நீதி முதல் அநீதி வரை

ஆளுக்கால் மாறும் அனுபவங்கள் மனிதன் பெற்ற வரம்

இயற்க்கை எனும் வீட்டில் குறைவற்ற செல்வம்

அடிப்படை தேவைகளுக்கு  மேலான வளம் அதிகம்

அழகிய  பூமி தாண்டி சொர்க்கம்  தேவை இல்லை

 நிறைவான பூமியும் நிறைந்த கொண்டாட்டங்களும்

மனிதன் கேட்காமலே கிடைத்த விலையற்ற வரங்கள்

By Prasanth Satkunanathan

கொண்டாட்டம்

உணர்வுகளின்  உற்சாக எல்லை

மனங்களில் எழும் -மகிழ்ச்சி அலை

எண்ணங்களின்  -நல்லெண்ண நிலை

குறை களையும் -கொண்டாட்ட வேளை  

ஜனனத்தில் ஆரம்பமாகும் கொண்டாட்டம்

வருடா வருடம் வரும் சந்தோசப்  பிறந்த நாள்

பிறந்த குழந்தை பெயர் சூட்டின, அம்மா அப்பா

பெற்றோர்க்கும் பிள்ளைக்கும் இன்ப வர பரிமாற்றம்

ஒவ்வொரு மொழிக்கு ஓவ்வொரு கலாச்சாரம்

பண்பாடு சொல்லும் பல நூறு கொண்டாட்டங்கள்

கொண்டாட்டங்கள் வேறு கொடை மட்டும் இன்பம்

முடிவில்லா கொண்டாட்டமே உலகின் இன்ப முகம்

பிள்ளைகளின் கொண்டாட்டம் நல் ஆரோக்கிய சமூகம்

பெற்றோரின்  கொண்டாட்டம் முதியோர் இல்ல குறைவு

உறவுகளின் கொண்டாட்டம் ஒற்றுமையின் தொடக்கம்

பள்ளியின் கொண்டாட்டம் பட்டதாரிகளின் அணிவகுப்பு

காதலின் கொண்டாட்டம் திருமணம்

நட்பின் கொண்டாட்டம் அநாதை உணர்வின் அழிவு

நாட்டின் கொண்டாட்டம் சிறைச்சாலைகளின் நீக்கம்

உலகின் கொண்டாட்டம் ஆயுதங்களின் ஓய்வு

கொண்டாட்டங்கள் நல் இன்ப கொடை

தவிர்க்கக்  கூடாத சந்தோச வரங்கள்

கொண்டாடுங்கள் குறைகள் யாவும் நிறைவாகும்

இதயங்களை இணைக்கும் இன்ப வழி கொண்டாட்டங்கள்    

By Prasanth Satkunanathan 

#தன்னம்பிக்கை

#தன்னம்பிக்கை 

முடியாது என்று சொல்வது - சொல்பவரின் ஊன எண்ணம்.

முடியும் என்று சொல்வது- உனக்கான வெற்றியின் மூலதனம்.

வலி என்னும் உளி கொண்டுதான் -தன்னம்பிக்கை எனும் சிலை உருவாகும்

தன்னம்பிக்கை தருமெனின்  - வலி எனும் சாபம் கூட வரமாகும்

குழந்தைகளின் குறும்புகளை - குட்டிக்குட்டி ஊனமாக்காதீர்

குழந்தைகளை சலித்துப் பார்க்காது  - சாதனையாளர்களாகப் பாருங்கள்

பிழை விட்டு அறியும் சரியான பாடங்களே - வாழ்க்கையில் மறக்காது நிலைக்கும்

பயந்து உடைவதல்ல பட்டு உணர்வதே வாழ்க்கையின் உயர்வு

பிழைகளை சுட்டிக்காட்டும் போது பணிந்து கேள்

பிழைகளை குத்திக் காட்டும் போது நிமிர்ந்து செல்

இயலாமையின் மொழி குறை பேசுவது!

உனக்கு பிறர் மீதான நம்பிக்கை மாறலாம்  -பிறருக்கு உன் மீதான நம்பிக்கை மாறலாம்

ஆனால் உனக்கு உன்மீதான நம்பிக்கை மாறக்  கூடாது - பிறர் மாற்றவும் விடக் கூடாது

முயற்சியே செய்யாதவன் முயற்சிப்பவனைப் பார்த்து கேலி செய்வான்

கேலியும் கிண்டலும் இயலாமையின் குண இயல்பு

ஆக்கமும் ஊக்கமுமே தன்னம்பிக்கை உணர்வு

தேய்கின்ற நிலவை

நிறுத்த முடியாது

முழுமதியானதும்

சிறைபிடிக்கவும் இயலாது

வாழ்க்கையில் வரும்

துன்பத்தை  துரத்தவும் முடியாது

இன்பத்தை நிறுத்தவும் இயலாது

துன்பம் பரீட்சைக்கு படிப்பது போல

ஒவ்வொருவரும் படிக்கும் அளவுக்கே

பரீட்சையின் முடிவு இன்பத்தை தரும்

தன்னம்பிக்கை என்பது

வெற்றியின் ஊக்கம் 

பயத்தின் நீக்கம்

நேர்மையின் அடையாளம் நேசத்தின் உணர்வாலயம்

அறிவின் ஆக்கம் அறியாமையின் அழிவு

தன்னம்பிக்கியை  - உனக்கு நீயே  - வரம் கொடுக்கும் சாமி

வரம் கொடு வாழக்கை வளமாகும்.

By Prasanth Satkunanathan

நகைச்சுவை

நகைச்சுவை

சந்தோஷம் என்பது வாழ்க்கையின் மருந்து

நகைச்சுவை என்பது வாழ்க்கையின் சந்தோஷ விருந்து

துன்பத்தின் விடுதலை வழி ,நகைச்சுவைக்கு அடிமையாதல்

நகைச்சுவை உணர்வுடன் , நாளும் இடைவிடா  இன்ப விடியல் 

நகைச்சுவை சிரிப்பொலியே  நட்பின் தேசியகீதம்

நகைச்சுவை உணர்வு  உருவாக்கும் கருவே நட்பு

நகைச்சுவை வரமே நட்பின் குறைவற்ற செல்வம்

நகைச்சுவை மன்னர்கள் ஆளும் ஆனந்த உலகம் நட்பு

கல்வி  திட்டத்தில் இல்லாமலே கற்றது நகைச்சுவை

விடை பெறும்  வேளையில் விழி ஒர கண்ணீர் வலியாக

வலித்தாலும் வாழ்க்கை முழுதும் இன்ப நினைவுகளாக

நகைச்சுவைகள் நினைவானாலும் நிகழ்கால இன்பம்

கஷ்டங்களை கடந்து வர , உருவம் இல்லாத  உறவாக நகைச்சுவை

ஆய கலைகளும் அதிசயமாக பார்க்கும், இன்ப கலை நகைச்சுவை

வீட்டிலும் வெளியிலும், இன்பத்தின் முகவரி ,இன்ப சிரிப்பொலியே

இன்பத்தை மட்டும் வரம்  தரும் நகைச்சுவையாளர்கள் இறைவனாக

வலு கொடுக்கவே நகைச்சுவை வலி கொடுக்க அல்ல

இயலாமையை வைத்து உரு பெறுவதல்ல நகைச்சுவை

இன்பத்தை கூட்டி துன்பத்தை நீக்க கரு பெறுவதே நகைச்சுவை

கண்ணீரை மறைக்கவே நகைச்சுவை உருவாக்க அல்ல

உலகில் வெறுக்க முடியாதவற்றுள் நகைச்சுவையும் ஒன்று

நகைச்சுவை இருந்தால் நீளும் இளமையின் ஆயுட்காலம்

விழித்திரையில் நரை தெரிந்தாலும் மன திரையில் தெரியாது

நகைச்சுவை உணர்வு கொடை , வாழும் வரை இன்ப வரம்

By Prasanth Satkunanathan

எதிர்பார்ப்பு

எதிர்பார்ப்பு

விழிகளின் எதிர்பார்ப்பு அழகிய காட்சிக்காக

செவிகளின் எதிர்பார்ப்பு இன்னிசை விருந்திற்காக

உடலின் ஓவ்வொரு அணுவிற்கும் ஒவ்வொரு எதிர்பார்ப்பு

எதிர்பார்ப்புகள் எதுவாயினும் இன்பமே பதிலாக ஆசை

இயற்கையை அணைத்தால்  தாயாகக் காக்கும்

இயற்கையை ஆழித்தால் மாறாக தாக்கும்

எதிர்பாக்கும் இடத்தில் எதிர்க்க கூடாது

இல்லையேல் எதிர்பார்ப்பு இன்பமாகாது

எதிர்ப்பார்ப்பு இல்லாத மனிதனால் இயங்கவே முடியாது

எதிர்பார்ப்பு கண் மூடி கனவு காண்பதல்ல களம் காண்பதே

எதிர்பார்ப்புக்களே வாழ்க்கை சக்கரத்தை நகர்த்தும் சக்தி

எதிர்பார்ப்பு உயிர்ப்பானது இல்லையேல் வாழ்க்கையே ஊனமாக

உன்னை அறிந்து எதிர்பார்ப்பதே உனக்கு நலம் சேர்க்கும்

உனை வளர்க்காதவை எதிர்பார்க்க கூடாத  எதிர்பார்ப்புக்கள்

தேவையான எதிர்பார்ப்பு நீ விருப்பியபடி வாழ நினைப்பது

தேவையற்ற எதிர்பார்ப்பு பிறர் போல வாழும் பேராசை

எதிர்பார்ப்புகள் உன்னையும் பிறரையும் சிதைக்க கூடாது

எதிர்பார்ப்புக்கள் உன்னை இயக்கவே உன்னை இழக்க அல்ல

உன்னை அறிந்த பின்பே  எதிர்பார்ப்பின் எல்லையை வகு

இறக்கை முளைப்பதல்ல எதிர்பார்ப்பு இறக்கும் வரை வாழ நினைப்பதே 

By Prasanth satkunanathan 

ப்ரியமான பயணம்!!!

ப்ரியமான பயணம்!!!

சுற்றும் பூமியில் சுற்றி பார்க்க கோடி இடங்கள் 

பலருக்கு பிடித்த விடயம் பிடித்தவருடன் பயணம் 

கடல் தரை வான் என பயணிக்கும் விதம் பலவிதம் 

ஆச்சர்ய சந்தோசங்கள் தொடரும் ப்ரியமான பயணம்!

சொந்தங்கள் சந்திக்க நேரமில்லா அவரச உலகில் 

உடன் பிறந்தவரோடு சந்தோச சங்கமம் பயணம் 

பயணங்கள் செல்லும் பாதையில் திசைகள் பிரிந்தாலும் 

பயண  வேளை பாச உறவுகளை இணைக்கும்  

நண்பர்களோடு பயணம் சுக சுந்தந்திர எல்லை 

சிரிப்பிற்கும்  வேடிக்கைக்கும் இடைவேளை இல்லை 

காதலோடு பயணம் நிஜ உலகம் மறந்த சுக போதை 

முடிக்க விரும்பாது  தொடர இறைவனிடம் கெஞ்சல்

தொலை தூர பயணத்தில் வாகனம் செலுத்துவது 

தொலையும் நேரத்திற்குள் தொல்லைகள் மறக்கும்

உடன் வருபவர் உயிர் காக்கும் கடவுளான உணர்வு 

பயணத்தின் இதய துடிப்பு, கேட்கும் இடைவிடா இசை

மழைக்காலம்   நீண்ட பயணம் 

தெருவின் இரு பக்கமும் மரங்கள் 

தெருவிற்கு கூரை அமைத்தது போல் 

ஒன்றை ஒன்று முத்தமிடுவது போல்

பச்சை இலை மேல் உள்ள மழைத்துளி 

பார்க்கும் போது ஏற்றப்படும் உணர்வு 

விபரிக்க முடியாத பெயரிடப்படாத புதிய உணர்வு 

வானொலியில் இளையராஜாவின்  காதல் பாடல்கள் - ஆகா 

என்ன ஒரு இனிய பிரயாணம் முடிக்க விரும்பாத பயணம் 

என்றென்றும் நெஞ்சில் பசுமையாக

உறவுகளை இன்னும் பலப்படுத்தும் இனிய பயணம் 

பார்க்கும் இடங்கள் பகிரும் உணவுகள் ஆனந்த அனுபவம் 

செல்லும் இடத்தில் கிடைக்கும் சிநேகங்கள் தொடர ஏங்கும் 

பயணங்கள் பலவிதம் ஓவ்வொன்றுமே ப்ரியமான பயணம்!

By Prasanth Satkunanathan