விண்ணுக்கும் மண்ணுக்கும்

விண்ணுக்கும் மண்ணுக்கும்

பருவ கால மாற்றத்திற்காய் காதல் யாகம்

காலம் கனிந்தால் காதல் யோகம்

காலங்கள் உருண்டாலும் உடையாத காதல்!

மாறாத இளமை குறையாத மோகம்

இடை வெளி கூடினாலும் இறுக்கமான காதல்

இயற்கையின் படைப்பில் இணையற்ற காதல்!

விண்ணும் காதலனாக மின்னலாய் ஆயுத்தம்

இடி முழக்கம் இட்டு தன் வரவை அனுப்பி வைத்தான்

நேரமும் மோகமும் கூடி வர மழையென மாறினான்!

எழிலின் முழு உருவாய் மண்ணவள் காதலியாய்

இயற்கை தோழிகளுடன் எதிர் பார்த்து காத்திருந்தாள்!

விண்ணவன் வரவை தோகை மயில் தூது சொன்னது

வானமே கருமையாய் வானிலே கரு நிலா

இருளினை கூட்டியே இன்ப விழா ஆரம்பம்

மன்மத மழை அணைத்த  அன்பு கூடல்!

விண்ணும் மண்ணும் இட்ட முத்தத்தில் தான்

சந்தோசம் வித்திட்டது இயற்கை புன்னகைத்தது

விண்ணுக்கும் மண்ணுக்கும் சொந்தம் பூமியின் உயிர்கள்

By Prasanth satkunanathan ( Heartbeat)